- वि.सं २o८२ भदौ १३ शुक्रबार
ललितपुर महानगरले उद्यमीहरूद्वारा उत्पादन गरिएको वस्तुलाई बजारीकरण गर्न ‘एलएमसी हाटबजार एप’ ल्याएको छ। महानगरमा दर्ता भएका उद्यमीले उत्पादन गरेका उत्पादनलाई बजारसम्म पुर्याउन यो एप तयार गरिएको हो।
शुक्रबार रिमाेटद्वारा महानगरका मेयर चिरिबाबु महर्जनले उक्त एपको सार्वजनिक गरे। बिक्रेताले आफूले उत्पादन गरेको वस्तु मूल्यसहित एपमा राख्छन् र क्रेताले एप्समा राखेको वस्तु खरिद गर्न सक्नेछन्।
मेयर महर्जनले महिलाले उत्पादन गरेको वस्तुलाई बजारीकरणका लागि यो एप ल्याइएको बताए। उपमेयर मञ्जली शाक्य बज्राचार्यले उद्यमीले उत्पादन गरेको उत्पादनले बजार नपाइराखेको अवस्थामा बजारसम्म उत्पादनलाई पुर्याउन यो एप महत्त्वपूर्ण हुने बताइन् ।
