मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २o८२ भदौ १३ शुक्रबार
  • Friday, 29 August, 2025
नयाँ पत्रिका काठमाडौं
२o८२ भदौ १३ शुक्रबार १४:५१:oo
Read Time : < 1 मिनेट
मुख्य समाचार डिजिटल संस्करण

चीन भ्रमणले नेपालको छवि माथि उठाउनेछ : प्रधानमन्त्री ओली

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o८२ भदौ १३ शुक्रबार १४:५१:oo

प्रधानमन्त्री केपी ओलीले आफ्नो पाँचदिने चीन भ्रमणबारे प्रतिनिधिसभालाई जानकारी दिएका छन्। शुक्रबारको बैठकलाई सम्बोधन गर्दै उनले भ्रमण नेपालका लागि लाभदायक हुने विश्वास व्यक्त गरे।

उनका अनुसार नेपालले सांघाई सहयोग संगठन (एससिओ)मा आफ्नो सहभागिता स्तर बढाउँदै लगेको छ। विश्वकै सबैभन्दा ठुलो संगठनका रूपमा विस्तार भइसकेको एससिओमार्फत नेपालले अत्यधिक लाभ लिन सक्ने उनले बताए।

प्रधानमन्त्री ओलीले चीन भ्रमणका क्रममा चिनियाँ राष्ट्रपति सी जिनपिङसँग भेट हुने जानकारी दिए। साथै उनले विभिन्न मित्रराष्ट्रका सरकारप्रमुखसँग समेत वार्ता गर्ने बताए।

भदौ १६ गते सुरु हुने एससिओको उद्घाटन कार्यक्रममा सहभागी हुने प्रधानमन्त्री ओलीले अन्तिम दिन (भदौ १८) चीन सरकारले आयोजना गर्ने फासीवादविरुद्धको विश्व युद्ध र जापानमाथि चीनको जितको उत्सव अवलोकन गर्ने बताए। उक्त कार्यक्रममा कम्तीमा ५० देशका प्रतिनिधिहरू सहभागी हुनेछन्।