- वि.सं २o८२ बैशाख १६ मंगलबार
म्याग्दीको बेनी नगरपालिका–७ मंगलाघाटमा एक व्यक्तिले दाउरा प्रहार गरेर श्रीमतीको हत्या गरेका छन् । पर्वतको जलजला गाउँपालिका– ३ पारीबेनी घर भई मंगलाघाटको आरनटोलमा घर भाडामा बस्दै अएकी २७ वर्षीया भगवती विकको आफ्नै श्रीमान राजु विकले प्रहार गरेको दाउराले लागेर मृत्यु भएको हो ।
राजु म्याग्दीको रघुगंगा गाउँपालिका– ६ ठाडाखानीका बासिन्दा हुन्। मंगलबार बिहान करिब साढे ६ बजेको समयमा कोठामा श्रीमानले दाउराले टोउकोमा प्रहार गर्दा भगवतीको घटनास्थलमै मृत्यु भएको जिल्ला प्रहरी कार्यालयका सूचना अधिकारी प्रहरी निरिक्षक सागर पौडेलले जानकारी दिए ।
श्रीमतीको हत्या गरी विहानैदेखि फरार भएका राजुलाई बेनी बजार नजिकै रहेको ज्यामरुकोट सामुदायिक वनमा लुकिछिपि बसेको अवस्थामा पक्राउ गरीएको प्रहरी निरिक्षक पौडेलले जानकारी दिए । मादक पदार्थ सेवन गरेर श्रीमतीको हत्या गरेको प्रारम्भीक अनुसंधानबाट खुलेको प्रहरीले जनाएको छ ।
