Skip This
-Open-20822025-04-22-05-02-06.png)
काठमाडौं महानगरपालिकाले खुला स्थानमा फोहाेर नबाल्न महानगरवासीलाई आग्रह गरेको छ। प्लास्टिकजन्य फोहाेरबाट निस्कने धुवाँ मानव स्वास्थ्यका लागि हानिकारक हुने भएकाले जथाभावी फोहाेर नबाल्न महानगरले आग्रह गरेको हो ।
महानगरको वातावरण व्यवस्थापन विभागका प्रमुख सरिता राईले प्रदूषित वायुले बालबालिका, ज्येष्ठ नागरिक, श्वासप्रश्वास र मुटुका रोगीलाई सबैभन्दा बढी हानि गर्ने बताइन् ।
महानगरबाट फोहाेर संकलन गर्न आउने सवारीसाधनमा सबै किसिमका फोहाेर विसर्जन गर्न उनले महानगरवासीलाई अनुरोध गरिन्। उद्योग, कलकारखानालाई ‘प्रदूषण नियन्त्रण मापदण्ड, २०८१’ अनुसार गर्न पनि विभाग प्रमुख राईले आग्रह गरिन्।
