- वि.सं २o८१ चैत २४ आइतबार
गृह मन्त्रालयले दुई जिल्लाका प्रमुख जिल्ला अधिकारी(सिडिओ)लाई दुई महिनामै हटाएको छ । अर्घाखाँची र प्यूठानका सिडिओलाई अवधि नपुगी हटाइएको हो। अर्घाँखाँचीका बाबुराम अर्याल र प्यूठानका सिडिओ रमा आचार्य(सुवेदी) गत भदौ अन्तिम साता जिल्लामा सरुवा भएकोमा शुक्रबार मन्त्रालय तानिएको छ। सामान्यतया एक वर्ष अवधि पुगेपछि मात्र सिडिओ सरुवा हुने गरेको छ ।
अर्घाखाँचीमा सहसचिव बेदप्रसाद खरेल तथा प्यूठानमा दीपकराज नेपाललाई खटाइएको छ । यसअघि ती जिल्लामा उपसचिव सिडिओ रहेकोमा सहसचिवलाई खटाइएको गृह मन्त्रालयका अधिकारीको भनाई छ । तर, सहसचिवको दरबन्दी भएपनि अन्य केही जिल्लामा भने उपसचिव नै सिडिओका रुपमा कार्यरत छन् ।
सिडिओ सरुवामा पछिल्लो समय चरम बेथिती देखिएको गृह मन्त्रालयका अधिकारी बताउँछन् । हरेक हप्ता जसो मन्त्रालयले किस्ता–किस्तामा सिडिओ सरुवा गर्दै आएको छ। कतिपययलाई बढुवा लगत्तै महत्वपूर्ण जिल्लामा खटाइएको छ। तर, सिनियर सहसचिवहरुलाई भने पाँच महिनासम्म मन्त्रालयमा जिम्मेवारी नदिई राखिएको छ।
