- वि.सं २o८१ पौष १६ मंगलबार
उदयपुरको उदयपुरगढी गाउँपालिका– १ धेप्चेबाट ४५ किलोग्राम गाँजासहित एकजना पक्राउ परेका छन् । जिल्ला प्रहरी कार्यालय उदयपुरका डिएसपी एवं सूचना अधिकारी राजन चापागाईंका अनुसार ताप्ली गाउँपालिका– १ घर भएका वर्ष ३६ का चित्रबहादुर मगर पक्राउ परेका हुन् ।
विशेष सूचनाको आधारमा खटिएको प्रहरी टोलीले गाँजा बोकेर हिँड्दै गरेको अवस्थामा उनलाई पक्राउ गरिएकाे डिएसपी चापागाईंले बताए। पक्राउ परेका मगरलाई जिल्ला अदालतबाट पाँच दिनको म्याद थप गरी अनुसन्धान सुरु गरिएको डिएसपी चापागाईंले जानकारी दिए ।
