- वि.सं २o८१ मङ्सिर १३ बिहीबार
मकवानपुरको मनहरीमा साबेल प्रहारबाट घाइते भएका एक पुरुषको मृत्यु भएको छ। मृत्यु हुनेमा मनहरी गाउँपालिका– ६ प्रतापपुर लच्का बस्ने ५० वर्षीय जितबहादुर मोक्तान रहेका छन्।
मकवानपुर प्रहरीका अनुसार सोही स्थानका ३४ वर्षीय अमरबहादुर लोप्चनले साबेल प्रहार गर्दा मोक्तान घाइते भएका थिए। दुवैजना सँगै मजदुरी गरी हिँड्ने र प्रायः दुवैजना लोप्चनकै घरमा सुत्ने गरेकोमा गएराति सुतेकै अवस्थामा लोप्चनले साबेल प्रहार गरी मोक्तानलाई घाइते बनाएका थिए।
घाइते मोक्तानलाई प्रहरी चौकी सुनाचुरीको सक्रियतामा उपचारका लागि चितवनको भरतपुरस्थित सरकारी अस्पतालमा पुर्याइएकोमा उपचारको क्रममा मृत्यु भएको हो।
साबेल प्रहारबाट मोक्तानको टाउको र दुवै खुट्टामा चोट लागेको थियो। घटनाबारे अनुसन्धान भइरहेको प्रहरीले जनाएको छ।
2022-09-29-12-22-58.jpeg)
