जाल्पाको सेयरमा झुम्मिए लगानीकर्ता

सातामा ३० दशमलव ७२ अंकले उक्लियो नेप्से परिसूचक

गत साता पाँच दिन कारोबार भएको सेयर बजारमा नेप्से परिसूचक ३० दशमलव ७२ अंकले उकालो लागेको छ । नेप्से सूूचक दुुई हजार तीन सय ५६ दशमलव १७ बिन्दुुमा पुगेर बन्द भएकोे छ । यस साता नेप्से परिसूूचक दुुई हजार चार सय ४३ दशमलव ९५ को उच्चतम बिन्दुु र दुुई हजार तीन सय ३१ दशमलव ५१ बिन्दुुको न्यूनतम बिन्दु रहेको थियो । साताभर नेप्सेले एक सय १२ दशमलव ४४ बिन्दुुको अस्थिरता देखाएको थियो ।

अघिल्लो साता परिसूचकले एक सय ५० दशमलव ४२ अंकको अस्थिरता देखाएको थियो । अघिल्लो साताको तुलनामा यस साता लगानीकर्ताले करिब एक अर्बबराबरको लगानी बढाएका छन् । लामो समयदेखि घट्दो क्रममा रहेको नेप्सेले स्थानीय चुनावको माहोलका कारण गति लिन सक्ने विश्वासले पनि बजारप्रति लगानीकर्ता आकर्षित भएका छन् । 

वित्तीय प्रणालीमा तरलता अभाव भइरहेको अवस्थामा चुनावी खर्च वित्तीय प्रणालीमार्फत हुने र त्यसले तरलतामा केही सहजता ल्याउने आकलन लगानीकर्ताले राख्दै आएका छन् । जसको प्रभाव पनि बजारमा देखिन थालेको छ । साथै, ब्रोकरमार्फत प्रवाह हुने मार्जिन कर्जालाई सहज बनाउने वातावरण बनेमा बजारले गति लिन सक्ने आकलन लगानीकर्ताको छ ।   

हप्ताको सुुरुवातको दिन उच्च अंकले बढेको बजारसँगै लगानीकर्ताले लगानी थप बढाएका थिए । यसले सातामा औसत कारोबार एक अर्ब ६८ करोड रुपैयाँले बढेको देखिन्छ । अघिल्लो हप्ता सात अर्ब ३८ करोड रुपैयाँको कारोबार भएकोमा यस हप्ता आठ अर्ब २० करोड रुपैयाँको कारोबार भएको छ  ।

यस हप्ता सबैभन्दा धेरै रकमका आधारमा अरुण भ्याली हाइड्रोपावर डेभलपमेन्ट कम्पनीको ३० करोड ११ लाख रुपैयाँको कारोबार भएको छ । त्यसैगरी, हिमालयन डिस्टिलरीको २६ करोड ५४ लाख रुपैयाँको कारोबार भएको छ । शिवम् सिमेन्टको २५ करोड ८८ लाख रुपैयाँको कारोबार भएको छ । 

यस हप्ता जाल्पा सामुुदायिक लघुुवित्त वित्तीय संस्थाका लगानीकर्ताले धेरै नाफा आर्जन गरेका छन् । अघिल्लो हप्ताको तुुलनामा उक्त संस्थाका सेयरधनीहरूले ६१ प्रतिशतले नाफा आर्जन गरेका हुन् । अघिल्लो हप्ता संस्थाको सेयर मूल्य सात सय ९ दशमलव सात रहेको थियो भने हाल संस्थाको सेयर मूल्य ११ सय ४२ दशमलव ६० पुुगेर यसबीचमा चार सय ३२ दशमलव ९० को फरक देखा परेको छ ।

नेपाल फाइनान्सले १४ दशमलव ६१ प्रतिशतले नाफा आर्जन गरेको छ भने राधी विद्युुत् कम्पनीले १३ दशमलव ८६ प्रतिशतले नाफा आर्जन गरेको छ ।यस हप्ता सबैभन्दा बढी गुुमाउनेमा नेस्डो समृद्ध लघुुवित्त वित्तीय संस्था रहेको छ । संस्थाको सेयर पाँच दशमलव २ प्रतिशतले घटेको छ भने युुनियन लाइफ इन्स्योरेन्स कम्पनीको चार दशमलव ८ प्रतिशतले घटेको छ भने शिवम् सिमेन्टको दुुई दशमलव ६ प्रतिशतले घटेको छ ।

यस हप्ता फाइनान्स समूूहको सूचक ५ प्रतिशतले बढेको छ भने म्युुचुुअल फन्ड समूूहको तीन दशमलव ७३ प्रतिशतले नाफा बढेको छ । त्यस्तै, जलविद्युुत् र विकास बैंक समूूहको सूूचक पनि यस साता ३ प्रतिशतले बढेको छ ।