डिभिजन वन कार्यालय उदयपुरका योजना शाखा प्रमुख पौडेलविरुद्ध भ्रष्टाचार मुद्दा दायर

डिभिजन वन कार्यालय, उदयपुरको योजना शाखाका प्रमुख वन अधिकृत (सातौँ) भुवन पौडेलविरुद्ध भ्रष्टाचार मुद्दा दायर भएको छ। १५ हजार घुस रकमसहित पक्राउ परेका पौडेलविरुद्ध अख्तियारले सोमबार विशेष अदालतमा मुद्दा दायर गरेको हो।

पौडेलले सामुदायिक वन उपभोक्ता समितिको काठ लगत समर्थन तथा लिलाम सहमति सिफारिस पत्र दिने प्रयोजनका लागि सेवाग्राहीसँग घुस लिएको आरोप छ।

भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुरमा १५ हजार बिगो कायम गरी मुद्दा दायर गरेको अख्तियार दुरुपयोग अनुसन्धान आयोगले जनाएको छ।