नेपाली व्यवसायीहरूद्वारा सञ्चालित युरोपको ट्रिप इन होटेल समूहले नेपालका बाढीपीडितको उद्धार तथा राहतका लागि ५१ लाख रुपैयाँ सहयोग प्रदान गरेको छ ।
ट्रिप इन होटेल समूहको कल्याणकारी संस्था ‘हेल्पिङ ह्यान्ड्स’ले सोमबार प्रधानमन्त्री दैवीप्रकोप उद्धार कोषमा ५१ लाख रुपैयाँ जम्मा गरेको हो । उक्त रकम कोषको खातामा जम्मा गरिएको समूहले जनाएको छ ।
‘देशले यतिखेर ठुलो विपत्तिको सामना गर्नुपरेको छ,’ समूहका तर्फबाट सञ्चालक जीवा लामिछानेले भने, ‘यस्तो कठिन घडीमा उद्धार र राहतको काम प्रभावकारी रूपमा सम्पन्न गर्न सरकारलाई सहयोग पुगोस् भन्ने हाम्रो उद्देश्य हो । यस्तो वेला हामी सबैले आफूले सकेको योगदान गर्नुपर्छ । रकम ठुलो वा सानो हुन सक्छ, तर यतिखेर देशले भावनात्मक र मनोवैज्ञानिक ऐक्यबद्धता पनि खोजेको छ ।’
See More On
