जिपले सिटी सफारीलाई ठक्कर दिँदा पाँचजना घाइते

सुनसरीको इटहरी उपमहानगरपालिकामा जिपले सिटी सफारीलाई ठक्कर दिँदा चालकसहित पाँचजना घाइते भएका छन्।

इटहरी– १७, पकलीस्थित सशस्त्र ब्यारेकनजिक पूर्व–पश्चिम राजमार्गमा इटहरीबाट झुम्कातर्फ जाँदै गरेको प्रदेश १–०२–००४ ह ४२४७ नम्बरको सिटी सफारीलाई सोही दिशाबाट आउँदै गरेको जिपले ठक्कर दिएको हो।

घाइतेहरूको विराटनगरस्थित टिचिङ अस्पताल र स्थानीय सान्वी सिटी हस्पिटलमा उपचार भइरहेको प्रहरीले जनाएको छ।