जिल्ला प्रहरी कार्यालय झापाले विभिन्न मुद्दामा अदालतबाट दोषी ठहर भई फरार रहेका पाँच प्रतिवादीलाई पक्राउ गरेको छ ।
जिल्ला प्रहरी कार्यालयबाट खटिएको फैसला कार्यान्वयन टोलीले उनीहरूलाई हालै झापाका विभिन्न स्थानबाट पक्राउ गरी जिल्ला अदालतमा उपस्थित गराएको छ ।
झापा गाउँपालिका– ४ का ४७ वर्षीय अब्दुल हकिम मियाँ सवारी ज्यान मुद्दामा तीन महिना कैद र दुई सय जरिवाना तथा मेचीनगर नगरपालिका– ३ का २६ वर्षीय अनिल दनुवार लागुऔषध मुद्दामा तीन महिना कैद र दुई सय जरिवाना सजाय तोकिएका प्रतिवादी हुन् ।
कमल गाउँपालिका– ५ का २३ वर्षीय मनीष मगर लागुऔषध मुद्दामा नौ महिना २० दिन कैद सजाय तोकिएका प्रतिवादी भएकाले झापा कारागार चलान गरिएको छ ।
त्यसैगरी, सवारी ज्यान मुद्दामा एक वर्ष ११ महिना तीन दिन कैद र दुई हजार जरिवाना सजाय तोकिएका इलामको चुलाचुली गाउँपालिका– ५ का ३० वर्षीय लक्ष्मण फागोलाई पनि पक्राउ गरी कारागार चलान गरिएको जिल्ला प्रहरी कार्यालय झापाका प्रहरी प्रवक्ता प्रहरी उपरीक्षक रञ्जन अवालेले जानकारी दिए ।
