डेढ लाख रुपैयाँ घुससहित पक्राउ परेका बर्दिया जिल्लाको बारबर्दिया नगरपालिकाका इन्जिनियर मोहनदेव मल्लविरुद्ध भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगले मल्लविरुद्ध मंगलबार विशेष अदालतमा मुद्दा दायर गरेको हो।
बारबर्दिया नगरपालिकाको भवन तथा बस्ती विकास शाखामा कार्यरत मल्लले वडा नं ७ रम्भापुरस्थित विद्यालयको चारकोठे भवन निर्माण कार्यको अन्तिम बिल भुक्तानीका लागि नापजाँच एवं बिल तयार–पाससमेतका काममा सहजीकरण गरिदिने भन्दै घुस लिएको अख्तियारको आरोपपत्रमा उल्लेख छ। अख्तियारको बुटवल कार्यालयको सम्पर्क कार्यालय नेपालगंजबाट खटिएको टोलीले मल्ललाई घुस लिइसकेको अवस्थामा नियन्त्रणमा लिएको थियो।
मल्ललाई एक लाख ५० हजार रुपैयाँ बिगो कायम गरी भ्रष्टाचार निवारण ऐन, २०५९ बमोजिम कैद र सजाय मागदाबी गरी आरोपपत्र दायर गरेको आयोगले जनाएको छ।
See More On
