डिजिटल भुक्तानी कम्पनी भिजाले नेपालको डिजिटल भुक्तानी इकोसिस्टमलाई अगाडि बढाउने उद्देश्यसहित भिजा लिडरसिप कन्क्लेभ नेपाल २०२५ को आयोजना गरेको छ । काठमाडौंमा आयोजित एक कार्यक्रममा भुक्तानी प्रणाली भिजा एक्सेप्ट पनि सुरु गरिएको छ ।
कार्यक्रममा बैंकिङ तथा फिनटेक साझेदार, व्यापारी र भुक्तानी प्रोसेसर संस्थाहरूका वरिष्ठ अधिकारीलगायत दुई सयभन्दा बढी सहभागी थिए । भिजा एक्सेप्टले मोबाइल फोन मात्र प्रयोग हुने डिजिटल भुक्तानीलाई गति दिन र नेपालको नगदरहित अर्थतन्त्रको दृष्टिकोणलाई मद्दत गर्नेछ । यो सबैका लागि सुरक्षित रहेको बताइएको छ ।
साथै, जुलाई २०२४ देखि जुन २०२५ सम्मका उपलब्धिका लागि २० वटा विधामा १३ विजेतालाई सम्मान गरेको थियो । श्रेणीहरूमा उपभोक्ता डेबिट र क्रेडिट कार्ड, प्रिपेड कार्ड, व्यवसाय प्राप्त गर्ने, सीमापार भुक्तानी, सम्पर्करहित समाधान, व्यावसायिक कार्ड, फिनटेक साझेदारी, उत्पादन नवप्रवर्तन र व्यापारी उत्कृष्टता समावेश थिए । भिजा एक्सेप्टले मोबाइल फोनलाई स्वीकार्यता उपकरणमा परिणत गरी डिजिटल भुक्तानी गर्न सहयोग गर्नेछ ।
