नयाँ वर्ष २०८२ को अवसर पारेर आगामी वैशाख १२ गते यहाँ कार्यक्रम आयोजना गरिएको आयोजक धरान बक्सिङ संघका अध्यक्ष दीपक राईले बताए ।
धरानमा राष्ट्रियस्तरको यो प्रतियोगिता पहिलोपटक आयोजना गर्न लागिएको उनले जानकारी दिए । प्रतियोगितामा ‘प्रोफेसनल’ प्रो. र ‘एमेचर’ गरी दुई विधामा प्रतिस्पर्धा हुनेछ ।
प्रतियोगितामा कोशी प्रदेशबाट प्रो प्रतिस्पर्धामा धरान, धनकुटा, झापा र उदयपुर तथा गण्डकी प्रदेशका पोखरा र बागमती प्रदेशको काठमाडौंबाट खेलाडी सहभागी हुनेछन् ।
एमेचर विधामा भने धरान, धनकुटा, उदयपुर र झापाका खेलाडीले सहभागिता जनाउने धरान बक्सिङ संस्थाका सचिव महेश आलेमगरले जानकारी दिए ।
‘फाइट नाइट’ प्रतियोगितामा महिला र पुरुष दुवै राष्ट्रियस्तरका खेलाडीबिच प्रदेशस्तरीय प्रतिस्पर्धा हुने आयोजकले जनाएको छ ।
प्रतियोगिता धरान उपमहानगरपालिका– १५ स्थित किराँत याक्थुङ चुम्लुङहिमको हलमा विभिन्न सांगीतिक कार्यक्रमसहित हुने संस्थाका सचिव आलेमगरले बताए ।
