- वि.सं २o८१ जेठ १ मंगलबार
भारतका चर्चित कलाकार अमिताभ बच्चन कोरोना भाइरसबाट संक्रमित भएका छन् । उनले बुधबार सामाजिक सञ्जाल ट्विटरमा आफू कोरोना भाइरसबाट संक्रमित भएको जानकारी गराएका हुन् ।
‘म कोरोना भाइरसबाट संक्रमित भएको भर्खरै पुष्टि भएको छ, पछिल्लो समयमा मेरो सम्पर्कमा रहेकाहरूले कोरोना भाइरसको परीक्षण गराउनुहुन र सतर्कता अपनाउनुहुन अनुरोध छ,’ उनले लेखेका छन् ।
उनले आफू अहिले पहिलोपटक संक्रमित भएको हाेइन भन्दै यसलाई स्वाभाविक र सहज रूपमा लिएको उल्लेख गरेका छन् । यसअघि उनी सन् २०२० को जुलाईमा पहिलोपटक संक्रमित भएका थिए ।
त्यति वेला उनी झन्डै तीन हप्ता अस्पतालमै रहेका थिए । त्यसवेला छोरा अभिनेता अभिषेक बच्चन, बुहारी ऐश्वर्या राय र नातिनी आराध्या पनि संक्रमित भएका थिए ।
