कोरोनाले ३४३ जनाको मृत्यु

Read Time : < 1 मिनेट

एजेन्सी, टोकियो

नयाँ पत्रिका

२o८१ बैशाख ३१ सोमबार २३:१९:oo

जापानमा कोरोना भाइरसका कारण पछिल्लो एक दिनमा ३३ जनाको मृत्यु भएको छ । जापानमा अहिले चलिरहेको कोरोना भाइरसको सातौँ लहरका क्रममा दैनिक मृत्यु हुनेहरूको संख्या बढिरहेको छ ।

अघिल्लो दिन ३२७ जनाको कोरोना भाइरसकै कारण मृत्यु भएको विवरण स्वास्थ्य मन्त्रालयले सार्वजनिक गरेको थियो । दैनिक संक्रमितको संख्या पनि पछिल्लो समयमा अत्यधिक देखिएको छ ।

सरकारी अधिकारीहरूले दिएको जानकारी अनुसार पछिल्लो एक दिनमा दुई लाख आठ हजार पाँच सय ५१ जना संक्रमित भएका हुन् । कोरोना भाइरसबाट संक्रमित र मृतकको संख्या बढ्दै गएकाले सरकारले फेरि कतिपय गतिविधिहरूमा कडाइ गर्न लागेको छ ।

मास्क लगाउनु पर्ने, सेनिटाइजरको प्रयोग गर्ने, सामाजिक दूरी कायम गर्नेमा ख्याल गर्न सरकारी अधिकारी तथा स्वास्थ्यकर्मीहरूले अनुरोध गरेका छन् ।
- रासस/सिन्ह्वा

#कोरोना