- वि.सं २o७९ भदौ ७ मंगलबार
हामी प्रायः खेलकुदमै व्यस्त हुन्छौँ । खेलको तयारी गर्नुपर्ने भएकाले सिनेमा हेर्ने फुर्सद त्यति साह्रो मिल्दैन । तर, खेलकुदका प्रतियोगिता सकिएपछि फुर्सद भएको समयमा राम्रो सिनेमा लागेको छ भने हलमा गएर हेर्ने गरेकी छु । पछिल्लो समय मैले कबड्डी सिरिज हेरेकी थिएँ ।
मलाई मन पर्ने अभिनेता भने अनमोल केसी हुन् । मैले उनको होस्टेल र जेरी फिल्म हेरेकी थिएँ । पछिल्ला फिल्महरू पनि हेर्ने रहर थियो, तर व्यस्तताका कारण हलसम्म जान पाइएन । अनमोल केसीको अभिनय राम्रो छ । उनी निकै ह्यान्डसम छन् ।
उनको गेटअप पनि राम्रो छ । मलाई मन पर्ने अर्का अभिनेता प्रदीप खड्का हुन् । उनी अभिनीत प्रेमगीत मलाई निकै मन परेको थियो । आकाश श्रेष्ठ पनि मलाई मन पर्छ । पछिल्लो समय नेपाली फिल्म पनि राम्रो बनिरहेका छन् ।
