- वि.सं २o७९ असार ८ बुधबार
घुस लिएर आरोपितलाई छुटाउनेबारे न्यायाधीश र कानुन व्यवसायीबीच भएको ‘संवाद’ अडियो सार्वजनिक भएकोप्रति नेपाल बार एसाेसिएसनले ध्यानाकर्षण जनाएको छ। त्यसबारे सत्यतथ्य छानबिन गर्न एसाेसिएसनले मागसमेत गरेको छ।
बुधबार एक विज्ञप्ति जारी गर्दै एसाेसिएसनले उक्त अडियोमा भएको संवादको आधिकारिकता पुष्टि गर्न सम्बन्धित निकायको ध्यानाकर्षण गराएको हो। विज्ञप्तिमा भनिएको छ, ‘उक्त सार्वजनिक भएको अडियो समाचारका सम्बन्धमा सोको आधिकारिकता र सत्यतथ्य व्यहोराको अनुसन्धान तथा छानबिन गरी उक्त कार्यमा कोही कसैको संलग्नता रहेको पाइएमा कसुरदातालाई कानुनी दायरामा ल्याउन नियमनकारी निकायसँग जोडदार माग गर्दछ।’
