तनहुँकाे म्याग्दे गाउँपालिकाका अध्यक्षमा नेकपा एमाले र उपाध्यक्षमा नेपाली कांग्रेस विजयी भएका छन् । एमालेका श्रीप्रसाद श्रेष्ठ चार हजार नौ सय ५० मत प्राप्त गर्दै गाउँपालिकाको अध्यक्षमा निर्वाचित भएका छन् । प्रतिस्पर्धी नेपाली कांग्रेसका मायादेवी रानाले चार हजार २३२ मत पाएकी छिन् ।
उपाध्यक्षमा नेपाली कांग्रेसका बालकृष्ण घिमिरे पाँच हजार ३९ मत प्राप्त गरी विजयी भएका छन् । प्रतिस्पर्धी नेकपा एमालेका रत्नादेवी घिमिरेले चार हजार २०० मत प्राप्त गरेका छन् । घिमिरे दोस्रो कार्यकालका लागि उपाध्यक्षमा दोहोरिएका हुन् । गाउँपालिकामा कुल १८ हजार १०५ मतदाता रहेकामा ११ हजार ९४३ मत खसेको थियो । अध्यक्षमा विजयी श्रेष्ठ नेकपा एमाले तनहुँका अध्यक्षसमेत हुन् ।
२०७४ सालको निर्वाचनमा कांग्रेसकी राना अध्यक्षमा विजयी हुँदा श्रेष्ठ पराजित भएका थिए । म्याग्देमा कांग्रेसले चार वडा र नेकपा एमालेले तीन वडामा विजय हासिल गरेको छ । म्याग्दे–२, ४, ५ र ६ मा नेपाली कांग्रेसले जितेको छ भने १, ३ र ७ वडामा एमालेले जितेको छ ।