कञ्चनपुरमा राष्ट्रिय प्रजातन्त्र पार्टी (राप्रपा)ले पनि खाता खोलेको छ । दोधाराचाँदनी नगरपालिका- ५ मा राप्रपाले खाता खोलेको हो ।
निर्वाचन अधिकृतको कार्यालयका अनुसार राप्रपा वडाध्यक्षका उम्मेदवार केशवबहादुर खत्रीको प्यानलै निर्वाचित भएको छ । खत्रीले आफ्ना निकटतम् प्रतिद्वन्द्वी कांग्रेसका उम्मेदवार नरेन्द्र भण्डारीलाई ५० मतको अन्तरले हराउँदै अध्यक्षमा निर्वाचित भए । राप्रपाका खत्रीले ३११ र कांग्रेसका भण्डारीले २६३ मत ल्याएका छन् ।
०७४ को चुनावमा कांग्रेसका उम्मेदवारसँग यस वडामा राप्रपाका उम्मेदवार ३९ मतले पराजित भएका थिए ।