स्वास्थ्य तथा जनसंख्यामन्त्री विरोध खतिवडाले ललितपुरको किस्ट मेडिकल कलेजमा उपचाररत संस्कृतिविद् सत्यमोहन जोशीलाई भेटेका छन् । बुधबार अस्पताल पुगेर मन्त्री खतिवडाले जोशीको स्वास्थ्य अवस्थाबारे जानकारी लिएका हुन्।
जोशी तीन दिनदेखि ललितपुरको इमाडोलस्थित किस्ट मेडिकल कलेजमा उपचाररत छन्। जोशीलाई भेट्न पुगेका मन्त्री खतिवडाले उनको उपचारमा कमी हुन नदिने बताउँदै अस्पताल प्रशासनलाई जोशीको स्वास्थ्यमा ध्यान दिन निर्देशनसमेत दिएका छन् ।
सास फेर्न गाह्राे भएपछि तीन दिनअघि जोशीलाई अस्पताल भर्ना गरिएको थियो। चेकजाँचपछि जोशीलाई निमोनिया भएको पुष्टि भएको छ। अस्पताल स्रोतका अनुसार अझै एक हप्ता जोशी अस्पताल बस्नेछन्। उनको स्वास्थ्य अवस्था सुधारोन्मुख रहेको अस्पतालले जनाएको छ ।