मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ मङ्सिर १४ मंगलबार
  • Tuesday, 30 November, 2021
२०७८ कार्तिक १ सोमबार ०९:०१:००
Read Time : > 1 मिनेट
समाचार डिजिटल संस्करण

गोसाइँकुण्ड र भैरवकुण्डको गहिराइ नापियो

Read Time : > 1 मिनेट
२०७८ कार्तिक १ सोमबार ०९:०१:००

रसुवाको धार्मिक तथा पर्यटकीय क्षेत्र गोसाइँकुण्ड र भैरवकुण्डको गहिराइ नापिएको छ । पर्यटन मन्त्रालयअन्तर्गत रहेको नेपाल माउन्टेन एकेडेमीले गोसाइँकुण्ड र भैरवकुण्डको गहिराइ नापेको हो । अनुसन्धानकर्ता वासुदेव न्यौपानेको नेतृत्वमा गएको चारजनाको टोलीले गोसाइँकुण्ड र भैरवकुण्डको गहिराइ नापेर फर्किएको छ । 

डुंगामा तालको छेउ, कुना, बीच सबै भागमा गएर गहिराइ नापिएको अनुसन्धानकर्ता वासुदेव न्यौपानेले बताए । ‘गोसाइँकुण्ड र भैरवकुण्डको सबै कुनाकुनामा, बीचमा ट्रान्जेक्ट राखेर, कुण्डको सबै क्षेत्र कभर होस्, कुनैप नि ठाउँ नछुटोस् भनेर तालको सबै क्षेत्र, कुनाकाच्चा, बीचको सबै भाग कभर हुने गरी फरकफरक बिन्दुहरूबाट त्यसको गहिराइ नापेका छौँ,’ उनले भने, ‘डुंगा चलाएर गहिराइ नापेका छौँ ।’ 

नयाँ प्रविधि डेप्थ साउन्डर मेसिनको प्रयोग गरी गोसाइँकुण्ड र भैरवकुण्डको गहिराइ नापिएको उनले बताए । ‘हामीले यसरी तालको गहिराइ नापेको नयाँ प्रविधि डेप्थ साउन्डर मेसिनबाट हो, यो मेसिनले अल्फा फोनिक साउन्ड निकाल्छ । यो मानिसले सुनिँदैन, त्यो साउन्ड पानीको सतह छुवाइदिएपछि साउन्ड पानीभित्र फाल्छ, जमिनमा ठोक्किएपछि फिर्ता पठाउँछ, हामीले प्रयोग गरेको एडभान्स टेक्नोलोजी हो,’ नयाँ पत्रिकासँग उनले भने ।  

गोसाइँकुण्डमा ७२ स्थानबाट र भैरवकुण्डमा ७० स्थानबाट गहिराइ नापिएको उनको बताए । कुण्डको गहिराइ नापिए पनि यसको रिपोर्ट आउन केही समय लाग्ने उनले बताए । ‘अहिले हामीसँग ‘र’ डाटा छ, ठ्याक्कै गहिराइ कति छ भन्ने कुरा डाटा  लिएर आयौँ, तर त्योचाहिँ हामीले जिआइएसमा राखेर त्यो डाटा प्रफेस गर्नुपर्छ, यो डाटा प्रफेस गरेपछि मात्र त्यसको गहिराइ कति भन्ने आउँछ,’ उनले भने, ‘अहिले हामीले प्रफेस नगरेसम्म ‘र’  डाटाको आधारमा भन्न सकेनौँ, अहिने भनेकोभन्दा पछि रिपोर्ट आइसकेपछि बढी हुन पनि सक्छ कम हुन पनि सक्छ,’ उनले भने, ‘दसैँ सकिएलगत्तै डाटा प्रफेस गर्छौँ,  अनि कुन ठाउँमा बढी गहिरो, कुन ठाउँमा अलिकति कम, गहिराइ छ भन्ने देखिन्छ ।’ 

डिसेम्बरभित्रमा पर्यटन मन्त्रालयअन्तर्गतको माउन्टेन एकेडेमीलाई प्रतिवेदन बुझाउनुपर्ने उनले बताए । तर, एक महिनाभित्रमा फाइनल प्रतिवेदन तयार पार्ने उनको भनाइ छ ।