Read Time : < 1 मिनेट
२o८१ बैशाख ३१ सोमबार o६:o६:oo
ग्लोबल आइएमई बैंक लिमिटेडले रोल्पाको घोडागाउँ र अरेस बजारमा नयाँ शाखारहित बैंकिङ सेवा सञ्चालनमा ल्याएको छ । बैंकले सुनीलस्मृति गाउँपालिकाको घोडागाउँमा मधु केसी र अरेस बजारमा दीपेन्द्र पुन मगरलाई प्रतिनिधि तोकेर शाखारहित बैंकिङ सञ्चालनमा ल्याएको हो ।
शाखारहित बैंकिङ सेवाबाट स्थानीय प्रतिनिधिमार्फत निक्षेप खाता खोल्ने, तोकिएको सीमासम्मको रकम जम्मा गर्ने तथा झिक्ने, आफ्नो खातामा रहेको मौज्दातको जानकारी लिने, कर्जाको ब्याज भुक्तानी गर्ने, डिसहोम, सिडिएमए, युटिएल, नेपाल टेलिकमको महसुल भुक्तानी गर्ने, मोबाइल रिचार्ज गर्नेलगायतका सेवा लिन सक्ने जनाइएको छ ।
बैंकले देशका ७५ जिल्लामा २ सय ७० शाखा, २ सय ४२ एटिएम, २ सय ५५ शाखारहित बैंकिङ, ४७ एक्सटेन्सन तथा राजस्व संकलन काउन्टर तथा ३ वटा वैदेशिक प्रतिनिधि कार्यालयमार्फत सेवा दिइरहेको जनाएको छ ।