कांग्रेस सांसद सुजाता कोइरालाले सरकारलाई संसद् अधिवेशन छिटो बाेलाउन आग्रह गरेकी छिन् ।
संसद् नहुँदा आफूहरूले बोल्ने ठाउँसमेत नभएको उनको भनाइ छ ।
आज अन्तर्राष्ट्रिय सम्बन्ध समितिको बैठकमा उनले भनिन्, ‘पार्लियामेन्ट छिटो सञ्चालन हुनुपऱ्याे । हामीले कुरा पनि राख्न पाएका छैनौँ । अधिवेशन छिटो बोलाउनुपऱ्याे ।’
सरकारको स्पष्ट नीति पनि नभएको उनको भनाइ छ । सरकार विश्वसनीय नभएको कुरा जनताबाट आइरहेकोसमेत उनले बताइन् ।
सरकारबाट स्पष्ट नीति नआएको उनको आरोप छ ।
‘यो सरकार रिलायबल छैन भन्ने कुरा जनताबाट आएको छ । स्पष्ट नीति आउँदैन, त्यसकारण एउटा लाइनमा हिँड्छ, फेरि झट्ट अर्काे कुरा गर्छ । यसले गर्दा सरकारको फितलोपन देखिन्छ । पार्लियामेन्ट हुनुपऱ्याे। हामीले कुरा पनि राख्न पाएका छैनाैँ । कोरोना भ्याक्सिन कहिले आउने हो, त्यसमा पनि पोलिटिक्स नहोस्,’ उनले भनिन् ।