- वि.सं २o८१ जेठ १ मंगलबार
सत्तारुढ दल नेपाल कम्युनिस्ट पार्टी (नेकपा)भित्र चर्किएको विवाद अर्काे गम्भीर मोडमा पुगेको छ ।
सचिवालय बैठकको माग गर्दै आएका पाँच नेतासहित अध्यक्ष पुष्पकमल दाहाल प्रचण्डलाई प्रधानमन्त्रीसमेत रहेका अध्यक्ष केपी शर्मा ओलीले सहमति नदिएपछि दाहालले मंगलबार सचिवालयको अनाैपचारिक बैठक डाकेका छन् ।
बैठक धुम्बाराहीस्थिति नेकपाको पार्टी कार्यालयमा अपराह्न ४ बजे बोलाइएको छ ।
यसअघि गत शुक्रबार पनि अध्यक्ष दाहालले सचिवालयको अनौपचारिक बैठक बोलाएका थिए ।
जसमा पाँचजना सचिवालयका सदस्यको उपस्थिति थियो । उक्त बैठकले गरेको निर्णयबारे शनिबार लिखित पत्रसहित अध्यक्ष ओलीलाई सचिवालय बेठक बोलाउन माग गर्दै पत्र बुझाइएको थियो ।
उक्त बैठकले सकभर आइतबार वा सोमबारसम्म सचिवालय बैठक बोलाउन अध्यक्ष ओलीको ध्यानाकर्षण गरेको थियो । अध्यक्ष दाहाल, वरिष्ठ नेता माधवकुमार नेपाल पक्षले मंगलबारसम्म अध्यक्ष ओलीले सहमति नदिए बैठक डाक्ने जनाएकाे थियाे ।
