भारतीय प्रधानमन्त्री नरेन्द्र मोदीले नेपालमा सम्पन्न निर्वाचनको सफल र शान्तिपूर्ण आयोजना भएकोमा नेपाली जनता तथा नेपाल सरकारलाई बधाई दिएका छन्।
सामाजिक सञ्जाल फेसबुकमार्फत शुभकामना सन्देश दिँदै प्रधानमन्त्री मोदीले नेपाली दिदीबहिनी तथा दाजुभाइहरूले उत्साहका साथ आफ्नो लोकतान्त्रिक अधिकार प्रयोग गरेको देख्न पाउँदा खुसी लागेको बताएका छन्।
उनले यसलाई नेपालको लोकतान्त्रिक यात्रामा एउटा ऐतिहासिक उपलब्धि र गर्वको क्षण भएको पनि उल्लेख गरेका छन्।
प्रधानमन्त्री मोदीले निकट मित्र र छिमेकी राष्ट्रका रूपमा भारत नेपालका जनता तथा नवगठित सरकारसँग सहकार्य गर्दै साझा शान्ति, प्रगति र समृद्धिका नयाँ उचाइहरू हासिल गर्न प्रतिबद्ध रहेको पनि बताएका छन्।
See More On
