- वि.सं Invalid date format
रियल म्याड्रिडले स्पेनिस ला लिगामा अपराजित यात्रा कायम राखेको छ । रियलले शनिबार राति लिगको चौथो खेलमा रियल सोसिडाडलाई २–१ ले हरायो । सोसिडाडको घरेलु मैदानमा रियल म्याड्रिडलाई जित दिलाउन केलियन एम्बाप्पे र अर्दा गुलरले समान एक गोल गरेका थिए । सोसिडाडका लागि मिकेल ओयारजबाईले गोल फर्काए पनि टिमको हार टार्न सकेनन् । चौथो जितसँगै रियल म्याड्रिडले ला लिगामा शीर्ष स्थानमा १२ अंक बटुलेको छ ।
समान खेलबाट २ अंक बटुलेको सोसिडाड १७औँ स्थानमा छ । सोसिडाडले जित निकाल्न सकेको छैन । खेलको १२औँ मिनेटमा एम्बाप्पेले रियललाई १–० को अग्रता दिलाए । खेलको ३२औँ मिनेटमा डिन हुइसेनले रातो कार्ड पाए । त्यसपछि रियल म्याड्रिडले १० खेलाडीमा रहँदै सोसिडाडविरुद्ध प्रतिस्पर्धा गरेको थियो ।
खेलको ४४औँ मिनेटमा गुलरले रियल म्याड्रिडलाई २–० को अग्रता दिलाए । खेलको ५६औँ मिनेटमा सोसिडाडका मिकेलले २–१ का लागि गोल गरे । बायर्न म्युनिखले जर्मन बुन्डेस लिगामा ह्याम्बर्गमाथि ५–० को फराकिलो जित निकालेको छ । ह्यारी केनको दुई गोलको सहयोगमा बायर्नले लिगमा लगातार तेस्रो जित हात पारेको हो ।
