- वि.सं २o८२ भदौ २७ शुक्रबार
राष्ट्रिय सभाका अध्यक्ष नारायणप्रसाद दाहाल र सभामुख देवराज घिमिरेले देशमा आइपरेको अहिलेको संकटको समाधान गर्न विधिको शासन र संविधानवादवाट बाहिर जान नहुने बताएका छन् ।
शुक्रबार दाहाल र घिमिरेले प्रेस वक्तव्य जारी गर्दै देशमा विद्यमान विषम परिस्थितिमा जनतामा निहित सार्वभौमसत्ता, नागरिक स्वतन्त्रता, भौगोलिक अखण्डता, राष्ट्रिय एकता र स्वाधीनतालाई शिरोपर गर्दै संवैधानिक प्रक्रियाबाटै निकास दिन राष्ट्रपतिले पहल गरेको जानकारी दिएका छन् ।
आन्दोलनरत पक्षका माग सम्बोधन गर्दै अझै उन्नत, समृद्ध र बलियो लोकतन्त्रका लागि प्रतिबद्ध हुन आह्वान गरेका छन् । उनीहरूले जेन–जीको आन्दोलनका क्रममा ज्यान गुमाउनेप्रति श्रद्धाञ्जली व्यक्त गर्दै घाइतेको शीघ्र स्वास्थ्यलाभको कामना गरे ।
2025-09-12-01-40-49.jpeg)
