भदौ १४ देखि २० गते सम्मको साप्ताहिक राशिफल

• ज्योतिष तथा वास्तुविद् सुरेशचन्द्र रिजालले तयार पारेको भदौ १४ गते शनिबारदेखि भदौ २० गते शुक्रबारसम्मको साप्ताहिक राशिफल पढ्नुहोस्

मेष (चु, चे, चो, ला, लि, लु, ले, लो, अ) साताको सुरुवातबाटै अध्ययन तथा अध्यापनमा समय बढी नै लगानी गर्नुपर्ने देखिन्छ । सञ्चित कर्मको फल पाउने समय छ । राम्रै आम्दानी हात पर्ला । सेयरबजार तथा वित्तीय संस्थाबाट लाभ मिल्नेछ । वैदेशिक क्षेत्रबाट लाभ लिने मौका छ । आफन्तसँगको भेटघाटले मनमा प्रसन्नता थपिएला । मनपर्ने वस्त्र, अलंकार आदि लाभ होला । सानै प्रयासले पनि महत्वपूर्ण काम बन्ने योग छ ।

वृष (इ, उ, ए, ओ, बा, बि, बु, बे, बो) अनावश्यक खर्च तथा महत्वपूर्ण सामान हराउने समय चलेकाले विशेष सतर्कता अपनाउनुपर्नेछ । धर्मकर्म, परोपकार, समाजसेवाजस्ता कार्यमा मन पनि लाग्नेछ । धेरैलाई प्रभावित पार्ने समय छ । व्यावसायिक कामबाट सोचेको लाभ मिल्नेछ । विद्यामा पनि प्रगति हुनेछ । दाम, इनाम र प्रतिष्ठा पनि कमाउने वेला छ । बिहीबारपछि भने व्यवसाय खस्किएला । खर्च र थकाइसमेत बढ्ला । 

मिथुन (का, कि, कु, घ, ङ, छ, के, को, ह) विनाप्रतिस्पर्धा फाइदा हुने योग रहेको छ । पारिवारिक साथसहयोग र समर्थन मिल्नेछ । वैदेशिक कार्य र आम्दानी बढाउने काम सुरु गर्न सकिनेछ । कामको दायित्व पनि थपिएला । प्रतिनिधिमूलक यात्राको सम्भावना छ । आयआर्जन पनि प्रशस्त हुनेछ । प्रेम र मित्रताको गाँठो कसिएला । सप्ताहान्तमा भने खर्चमा वृद्धि र व्यवसायमा गिरावट आउने देखिन्छ ।

कर्कट (हि, हु, हे, हो, डा, डि, डु, डे, डो) सुरुमा घरायसी समस्या, प्रेममा उतारचढाव र कामको बोझ देखापर्नेछन् । नयाँ उद्योग वा व्यावसायिक काम सुरु हुने समय छ । आर्थिक समस्या पनि समाधान हुनेछ । स्वास्थ्य सबल रहनेछ । काममा प्रशंसा पाइएला । साताको अन्त्यमा आफ्नो क्षेत्रको नेतृत्व हात लाग्ला । व्यापार बढ्नुका साथै आयमूलक काममा पनि सफलता नै मिल्नेछ । भाग्यको साथ पूर्णरूपले प्राप्त हुने योग देखिएको छ ।

सिंह (मा, मि, मु, मे, मो, टा, टि, टु, टे) काममा मातापिताको सहयोग प्राप्त होला । प्रतिष्ठित काम गर्ने मौका छ । अरूलाई प्रभावित पारेर काम बनाउने समय छ । आफ्नो क्षेत्रमा प्रभुत्व जमाउन सकिनेछ । दाम, इनाम र प्रतिष्ठा कमाउने वेला छ । सामाजिक कामको दायित्व बढ्नेछ । भूमि, वाहन र पैतृक सम्पत्तिबाट लाभ मिल्ने योग छ । व्यापारमा प्रशस्त फाइदा हुनेछ । धर्मकर्ममा मन जाला । सामाजिक कामबाट प्रतिष्ठा मिल्नेछ ।

कन्या (टो, प, पि, पु, ष, ण, ठ, पे, पो) साताको प्रारम्भमा विशिष्ट व्यक्तिको साथ पाइनेछ । सामाजिक क्षेत्र र नोकरीबाट मानसम्मान मिल्नेछ । अधुरा र आँटेको कार्य पूरा हुनेछन् । धनार्जनका नयाँ स्रोत पत्ता लाग्नेछन् । लामो तथा व्यवसायी यात्राका लागि शुभ समय रहेको छ साताको अन्त्यमा सेयरबजारमा गरेको लगानीले राम्रै प्रतिफल दिने संकेत मिल्नेछ । शत्रु परास्त भएर जालान् । मुद्दासमेत किनारा लाग्नेछन् ।

तुला (र, रि, रु, रे, रो, ता, ति, तु, ते) प्रयत्न गर्दा ठुलै उपलब्धि हातलागी हुनेछ । शुभचिन्तकहरू जुट्नाले चिताएका काम सजिलै बन्नेछन् ।  कामका लागि साइनो गाँस्नेहरूबाट सतर्क रहनुहोला । समयमा जुट्न नसक्दा चिताएका काममा पनि बाधा पर्नेछ । सप्ताहान्तमा परिस्थिति अनुकूल बन्नेछ । सामाजिक कार्यले सम्मानित स्थान दिलाउन सक्छ ।  सप्ताहान्तमा प्रतिस्पर्धीहरू पराजित हुनेछन् र मनग्ये धनलाभ पनि हुनेछ ।

वृश्चिक (तो, ना, नि, नु, ने, नो, या, यि, यु) मिहिनेतपूर्वक काम गर्दा चिताएको फल प्राप्त हुनेछ । शत्रु र प्रतिस्पर्धीहरू पछि परे पनि ईष्र्यालु आफन्तले काम बिगार्न सक्छन् । तार्किक बुद्धिको उपयोगले प्रतिद्वन्द्वीहरूलाई वशमा ल्याउन सकिनेछ । घरमा बसेरै विभिन्न काम सम्पादन गर्न सकिनेछ । सप्ताहान्तमा तर्कशक्ति बढ्नेछ भने अध्ययनमा प्रगति हुनेछ । दिगो फाइदा हुने काम प्रारम्भ गर्न सकिनेछ । नाम, दाम र इनाम प्राप्त हुनेछ ।

धनु (ये, यो, भ, भि, भु, ध, फा, ढ, भे) काममा सोचेजस्तै सफलता मिल्नेछ । सहयोगीहरूले साथ दिनेछन् र उत्साह पनि बढ्नेछ । निर्णय गलत ठाउँमा पर्नाले फाइदा अर्कैले लिन सक्छ । तापनि, निराश नहुनुहोस् । कर्मयोगका थप बाटाहरू अवश्य खुल्नेछन् । पढाइलेखाइ र व्यवसायमा उन्नति हुनेछ । शत्रु पराजित होलान् । प्रतिस्पर्धीलाई उछिन्ने मौका छ । दिगो फाइदा हुने काम प्रारम्भ गर्न सकिनेछ ।

मकर (भो, ज, जि, खि, खु, खे, खो, गा, गि) आतिथ्यपूर्ण सम्मान पाउने समय छ । तपाईंका प्रशंसकहरू थपिएलान् । उद्योग–व्यवसायमा पनि सोचेको प्रगति हात लाग्ला । प्रतिस्पर्धीहरूले हार खालान् । आफन्तसँगको विश्वासमा कमी आउला । खानपानको असावधानीले स्वास्थ्यमा पनि गिरावट आउला । पठनपाठनमा प्रगति हुनेछ । सप्ताहान्तमा विशेष लाभ होला । चिताएको काम पूरा गर्न सकिनेछ ।

कुम्भ (गु, गे, गो, सा, सि, सु, से, सो, द) प्रारम्भमा खर्च बढ्नाले अर्थ अभाव देखापर्न सक्छ । बुधबारदेखि स्थितिमा सुधार आउनुका साथै नयाँ काममा हात हाल्ने अवसर प्राप्त हुनेछ । बोलीको माध्यमले धेरैलाई मन्त्रमुग्ध बनाउन सकिनेछ । मिहिनेत गर्दा पहिले रोकिएको प्रतिफल प्राप्त हुनेछ । मानसम्मान पाइनुका साथै विशेष उपहार प्राप्त हुनेछ । सुखद समाचारले थप उत्साह जगाउनेछ । आम्दानीका स्रोत पहिल्याउन सकिनेछ ।

मीन (दि, दु, थ, झ, ञ, दे, दो, च, चि) सुरुमा प्रशस्त आम्दानीको योग भए तापनि खर्चको मात्रा बढ्ने देखिन्छ । आफ्नै ढिपीले पैसा र समय खेर जाला ।  तपाईंका वैदेशिक काम अवश्यै बन्नेछन् । आइतबारपछि प्रियजनसँग भेट होला । आतिथ्यपूर्ण सम्मान पाइएला । दाम, इनाम र प्रतिष्ठा पनि कमाउने वेला छ । प्रशंसकहरू थपिएर जालान् । काममा पनि उत्साह थपिनेछ । भाग्यले साथ दिनेछ ।