- वि.सं Invalid date format
इमेल र ह्वाट्सएपमार्फत गालीगलौज गरेको आरोपमा पक्राउ परेका राष्ट्रिय स्वतन्त्र पार्टी (रास्वपा)का नेता अरनिको पाँडे २० हजार रुपैयाँ धरौटीमा छुटेका छन्। जिल्ला अदालत काठमाडौंले उनलाई धरौटीमा छाडेको हो।
आफुविरुद्ध उजुरी परेको थाहा पाएपछि पाँडे बुधबार आफैँ साइबर ब्युरो पुगेका थिए। त्यहाँ उनलाई प्रहरीले नियन्त्रणमा लिएको थियो । व्यक्तिगत विवादको विषयमा साइबर अपराध लगाइएको आरोप प्रहरीमाथि छ ।
अर्काेतर्फ यस्तै अपराधमा पक्राउ परेका एमालेका केन्द्रीय सदस्य ऐन महरलाई भने प्रहरीले केही घण्टामै रिहा गरेको, तर पाँडेलाई भने थुनामा राखेको भन्दै आलोचना भएको थियो । त्यसपछि प्रहरीले दुई दिनमै अनुसन्धान सकाएर सरकारी वकिलमार्फत मुद्दा चलाएको हो ।
