पोखरा पहिलोपटक घर निर्माण फेस्ट 

नयाँ घर निर्माणका लागि आवश्यक सम्पूर्ण सेवाहरु एउटै छत मुनि समेटेर जानकारी दिने उदेश्यका साथ पोखरामा पहिलोपटक राष्ट्रिय घर निर्माण फेस्ट २०८२ हुने भएको छ । स्किल सेवाको आयोजनामा पोखरा १० स्थित अमरसिंह चौरमा शुक्रबारदेखि सुरु हुने फेस्ट शनिबारसम्म चल्ने आयोजकले बिहीबार पोखरामा पत्रकार सम्मेलन गरि जानकारी दिएका हुन् ।

घर निर्माण सहजीकरणको एकीकृत प्लेटफर्म उपलब्ध गराउनु साथै घर निर्माण सम्बन्धी मापदण्ड तथा अत्याधुनिक प्रविधिको बारेमा सर्वसाधारण एवं सरोकारवालाहरुलाई जानकारी दिने मुख्य उदेश्य फेष्टको रहेको स्किल सेवाका सञ्चालक समन कुँवरले जानकारी दिए। फेष्ट मार्फत आधुनिक विचार, प्राविधिक दक्षता र लगानीको उचित व्यवस्थापन मार्फत घर निर्माणका नवीनतम अवधारणालाई व्यवहारमा उतार्न सहयोग पुर्याउने कुँवरको भनाइ छ।

फेष्टमा आधुनिक र पारम्परिक डिजाइन, खुला स्थानको सदुपयोग, ऊर्जा बचत तथा हावापासको उचित व्यवस्थापनका साथै गुणस्तरीय विचारहरुको प्रस्तुति सगै लगानी जुटाउने र साझेदारीका अवसरहरू समेत उजागर गरिने छन् जसले समग्र आवास निर्माण क्षेत्रमा सकारात्मक परिवर्तन ल्याउने अपेक्षा आयोजकको रहेको कुँवरले जानकारी दिए। 

फेष्टमा घरधनी, निर्माण व्यवसायी, इन्जिनियर, वास्तुकलाविद्, नगरपालिकाका अधिकारी, उद्यमी, विद्यार्थी र इच्छुक जनसमुदायका प्रतिनिधिहरु सहभागी हुने फेष्टको पाँच हजार बढिले अवलोकन सगै आवश्यक जानकारी लिने आयोजकको अपेक्षा रहेको स्किल सेवाका सञ्चालक सताक्षी मिश्रले जानकारी दिइन् ।निमार्णका क्रममा दक्ष जनशक्ति र प्रविधिको प्रयोगले घर मजबुत र टिकाउ बन्ने उनकाे भनाइ थियो। प्रत्येकक मानिसका लागि घर जीवनको सबैभन्दा मूल्यवान सम्पत्ति रहेकाले यसलाई भरपर्दो, सुरक्षित र दिगो बनाउनु आवश्यक रहेकाले फेष्ट त्यसबारेमा जानकारी दिनेछ । फेष्टमार्फत घर निमार्ण गर्दा खर्च कम गर्ने उपायहरूको बारेमा जानकारी सँगै कस्तो खालको सिमेन्ट प्रयोग गर्ने, कस्तो इट्टा, डन्डि, ग्लास, टाएल्स् प्रयोग गर्ने भन्ने बारेमा समेत जानकारी दिइने उनले बताइन् । साथै लेबर व्यवस्थापन, डिजाइन, रेक्ट्याङ्गगुलर निमार्ण योजना, निमार्ण अवधि देखि फ्लोलिङ्ग र समापन सम्मको स्टेप–बाइ–स्टेप प्रकृयाका बारेमा समेत जानकारी दिइने मिश्रले बताइन् । 

स्किल सेवाका सीइओ रमेश तिमल्सिनाका अनुसार फेष्टमा विभिन्न निर्माण सम्बन्धी कम्पनिहरु, बैंक लगायतका गरि ३२ वटा स्टल रहनेछन्। फेष्टमा इन्टेरियरका सामानहरु सुपथ मूल्यमा पाइने उनले बताए। घर निमार्ण गर्दा आवश्यक कुरा मात्र राख्दा खर्च कम हुने बताउँदै  यसकाे सहजीकरणको लागि एकीकृत प्लेटफर्म उपलब्ध गराउने आयोजकको उदेश्य रहेको बताए। फेष्ट मार्फत घर निमार्ण गर्दा भरपर्दो, सुरक्षित र दिगो कसरी बनाउने भन्ने कुराको जानकारी फेष्ट मार्फत उठाउन तिमिल्सिनाले सर्वसाधारण सगै सरोकारवालाहरुलाई आग्रह गरेका थिए।