- वि.सं २o८२ भदौ ४ बुधबार
घरबाट धान गोड्न हिँडेका उदयपुरको बेलका नगरपालिका– २, शान्तिनगर टोलका ५७ वर्षीय तिखे तामाङ मृत फेला परेका छन्। जिल्ला प्रहरी कार्यालय उदयपुरका सूचना अधिकारी डिएसपी केदारमान दोङका अनुसार हिजो (मंगलबार) दिउँसो खेतमा धान गोड्न घरबाट हिँडेका तामाङ आज (बुधबार) बिहान नहरमा डुबेको अवस्थामा मृत फेला परेका हुन्।
उनले भने, ‘मंगलबार दिउँसो घरबाट खेतमा धान गोड्न जान्छु भनेर हिँडेपछि रातिसम्म घर आउनु भएनछ । त्यसपछि मृतक तामाङका आफन्तले प्रहरीलाई खबर गरेका थिए । त्यसपछि प्रहरी र स्थानीयले खोजी गर्दा नहरमा डुबेको अवस्थामा मृत फेला परेका थिए।’
कानुनी प्रक्रिया पुर्याएर पोस्टमार्टम गरी शव परिवारलाई जिम्मा लगाउने र घटनाको अनुसन्धान सुरु भएको दोङको भनाइ छ।
