- वि.सं २o८२ भदौ ३ मंगलबार
गीतकार नारायण खतिवडाको ब्यङ्गात्मक गीति शैलीको तीज गीत र भिडियो नमस्ते नेपाल डिजिटल स्टूडियोबाट यूट्यूवसहित अन्तर्राष्ट्रिय प्लेटफर्महरूमा सार्वजनिक गरिएको छ ।
आजभोली स्वतन्त्रताको आडमा स्वच्छन्दता बढ्दै गएर बिकृत बनेको विषयलाई उनले गीतमा उतारेका छन् । ‘तीज बरि लै’ शीर्षकमा सार्वजनिक गरिएको भिडियोको निर्देशन गीतकार खतिवडा आफैले गरेका हुन्।
नेपाली समाजमा मनाइने विभिन्न चाडपर्वहरूको सास्कृतिक पक्ष कमजोर बन्दै गएको अवस्थालाई चित्रण गरिएको गीतकार खतिवडा बताउँछन् । गीतको भिडियोमा रन्जु मिश्र, सहारा कोईराला र बिदेश मार्शलको मुख्य भूमिकाको रूपमा अभिनय रहेको छ । स्टूडियो किङ्ममा रेकर्ड गरिएको गीतको छायाङ्कन अर्जुन कटवाल, कोरियोग्राफी सन्जिला सुमित्रा रहेको छ भने बिकास धमलाको दृष्य सम्पादन रहेको छ ।
