- वि.सं २o८२ भदौ ३ मंगलबार
कार पञ्चर भएर चालक भागेपछि उदयपुरको बेलका नगरपालिका वडा नम्वर २ र ३ को सिमानामा पर्ने आमसावी भागगपुर नजिकको जगना खोलाबाट दुईसय ४० किलो गाँजा बरामद भएको छ ।
जिल्ला प्रहरी कार्यालय गाईघाटका सूचना अधिकारी डिएसपी केदारमान दोङका अनुसार गोप्य रुपमा कारमा गाँजा ढुवानी भइरहेको सूचना पाएलगतै प्रहरी पिछा गर्दा कार पम्चर हुँदा बरामद गरिएको जानकारी दिए ।
उनले भने, ‘कार पम्चर भएपछि चालक फरार भए । प्रहरीले बा२१ च१८११ नम्बरको कारबाट उक्त गाँजा बरामद भएको हो।’
बरामद गाँजासहित कारलाई इलाका प्रहरी कार्यालय रामपुर ठोक्सिलामा राखि अनुसन्धान जारी राखिएको र उक्त कार चालकको खोजी सुरु गरिएको दोङको भनाइ छ ।
