- वि.सं २o८२ श्रावण २९ बिहीबार
सिटिजन्स बैंकले मधेश प्रदेशमा ‘मधेश लिडरसिप : ड्राइभिङ पर्फमेन्स एन्ड अचिभिङ गोल्स’ सेमिनार आयोजना गरेको छ । बैंकले आफ्ना शाखा–प्रबन्धक तथा अन्य सहकर्मीमाझ यो कार्यक्रम आयोजना गरेको हो ।
बैंकका प्रमुख कार्यकारी अधिकृत (सिइओ) गणेशराज पोखरेल, उपप्रमुख कार्यकारी अधिकृत र वरिष्ठ कार्यकारीका उपस्थितिमा सम्पन्न सेमिनारमा चालू आर्थिक वर्षका स्थानीय प्राथमिकतामा सहमति जुटाउँदै केन्द्र र प्रदेशबिच सहकार्य सुदृढ गर्ने विषयमा छलफल भएको बताइएको छ ।
मधेशकेन्द्रित यो कार्यक्रमजस्तै अन्य प्रदेशमा पनि विस्तार गरिने बैंकले जनाएको छ । बैंकले आव ०८१/८२ को असार मसान्तसम्म खुद ब्याज आम्दानी ११.२० प्रतिशतले बढाई ६ अर्ब ३६ करोड रुपैयाँ पुर्याएको छ ।
कर्जा–निक्षेप अनुपात (सिडी रेसियो) ८१.९१ प्रतिशत रहेको छ, जसले बैंकको तरलता व्यवस्थापन सन्तुलित भएको देखाउँछ । देशैभरि ६१ जिल्लामा फैलिएका दुई सय शाखा, एक सय ६९ एटिएम, तीन विस्तारित काउन्टर र ७४ शाखारहित बैंकिङ इकाइबाट सेवा प्रदान गर्दै आएको छ ।
