- वि.सं Invalid date format
स्वावलम्बन लघुवित्त वित्तीय संस्थाले वातावरणमैत्री गाउँ (इको भिलेज) निर्माणका लागि स्थानीयसँग अन्तरक्रिया गरेको छ । बुढानीलकण्ठ नगरपालिकास्थित डाँडागाउँ बस्तीलाई वातावरणमैत्री स्वावलम्बन गाउँ निर्माण गर्ने उद्देश्यले लघुवित्तले सरोकारवालाहरूसँग अन्तरक्रिया गरेको हो ।
लघुवित्तले कार्बन उत्सर्जन न्यूनीकरण, फोहोर व्यवस्थापन र वृक्षरोपण गरी स्वच्छ वातावरण निर्माण गर्ने, उद्यमशीलता विकास गरी आयआर्जन वृद्धि तथा बेरोजगारी अन्त्य गर्न वातावरणमैत्री स्वावलम्बन गाउँ निर्माण यस्तो अन्तरक्रिया आयोजना गरिएको जनाएको छ । केन्द्रीय कार्यालय उद्यमशीलता, ग्राहक संरक्षण तथा अनुसन्धान विभागका प्रबन्धक सुमन श्रेष्ठले वातावरणमैत्री स्वावलम्बन गाउँ निर्माणको अवधारणासम्बन्धी प्रस्तुतीकरण गरेका थिए ।
कार्यक्रमका प्रमुख अतिथि बुढानीलकण्ठ नगरपालिकाका नगर प्रमुख मीठाराम अधिकारीले वातावरण संरक्षण, उद्यमशीलता विकास र रोजगारी सिर्जनाजस्ता महत्वपूर्ण कुरा समेटेर वातावरणमैत्री गाउँ निर्माण गर्न अगुवाइ गरेकोमा स्वावलम्बन लघुवित्त वित्तीय संस्थालाई धन्यवाद दिए ।
