- वि.सं २o८२ बैशाख १७ बुधबार
विराटनगरमा एक जना भारतीय युवती नक्कली भारतीय नोटसहित पक्राउ परेकी छन्। विराटनगर महानगरपालिका–१३ भारत बिहार राज्यको अररिया जिल्लाका १९ वर्षीय सिम्पी बैसन्ती मंगलबार साँझ पक्राउ परेकी हुन् ।
भारतीय नागरिक बैसन्तीले विराटनगर–१३ रहेको एक किराना पसलमा सामान किन्ने क्रममा दिएको भारतीय पाँच सय रुपैयाँको नोट नक्कली रहेको शंकामा लागेपछि पसलेको सूचनाका आधारमा इलाका प्रहरी रानीको टोलीले उनलाई नियन्त्रणमा लिएको थियो।
प्रहरीले चेकजाँचको क्रममा उनको साथबाट पाँच सय दरको ७ वटा नक्कली भारतीय नोट बरामद गरेको थियो। नक्कली भारतीय नोट सहितपक्राउ परेकी भारती युवतीलाई आवश्यक कानूनी कारवाहीका लागि अनुसन्धान भइरहेको प्रहरीले जनाएको छ।
