- वि.सं २o८१ चैत २६ मंगलबार
सरकारले बोलाएको बैठकमा सहभागी हुने वा नहुने भन्ने विषयमा छलफल गर्न शिक्षकहरूको आन्दोलनको नेतृत्व गरिरहेको नेपाल शिक्षक महासंघको बैठक बसिरहेको छ।
नियमित आन्दोलनको कार्यक्रम सकिएपछि महासंघले सबै दलनिकट संगठनका शिक्षक प्रतिनिधिहरूसँग छलफल थालेको हो। ‘सरकारले बोलाएको बैठकमा जाने वा नजाने भन्नेबारेमा अहिले हामी छलफलमा छौँ,’ महासंघका अध्यक्ष लक्ष्मीकिशोर सुवेदीले भने, ‘छलफलपछि हाम्रो धारणा सार्वजनिक हुन्छ, हामीले नतिजा खोजिरहेका हौँ।’
