- वि.सं २o८१ चैत १६ शनिबार
जंगलको राजा भनेर चिनिने बाघ पछिल्ला वर्षहरूमा गाउँबस्तीमा पस्न लागेको छ। वन, जंगल नभएको वन्यजन्तुका लागि बासस्थानसमेत नभएको गाउँबस्तीमै बाघ पस्न लागेको हो।
गत वर्ष ८ वैशाख बेलौरीको कलकत्तामा उखुबारीमा पसेको बाघले एक महिनाको ज्यान लिएको थियो। फेरि एक वर्षपछि बाघ गाउँ पसेको छ। बेलौरी नगरपालिका २, टेटुवा गाउँमा बाघ पसेको छ।
टुटेवाकी बिमला चौधरीको गहुँबारीमा पाठेबाघ पसेको स्थानीयले बताएका छन्। १५चैत्रमा टेटुवाकै स्थानीय हरिप्रसाद चौधरीको गोठबाट एक बाच्छीमाथि आक्रमण गरेको बाघ दोस्रो दिन शनिबार गहुँबारीमै फेला परेको छ।
गत साउनमा पनि कञ्चनपुरकै दोधाराचाँदनी नगरपालिका २ मा बाघ पसेर एक महिलाको ज्यान लिएको थियो। यसरी गाउँघर, खेतबारीमै बाघ पस्न थालेपछि स्थानीय त्रसित भएका छन्।
गहुँबालीमा रहेको बाघ नियन्त्रणका लागि जिल्लाबाट वनको टोली गएको छ। डिभिजन वन कार्यालय कञ्चनपुरका प्रमुख रामबिहारी ठाकुरले निकुञ्ज, एनटिएनसीसहितको टोली उद्धारका लागि गएको बताए।
