- वि.सं २o८१ माघ २२ मंगलबार
साताको पहिलो दुई दिन निरन्तर उकालो लागेको नेपाल स्टक एक्सचेन्ज (नेप्से) परिसूचक मंगलबार भने दोहोरो अंकले घटेको छ । मंगलबार नेप्सेमा आठ अर्ब ९१ करोड ९६ लाख ९७ हजारबराबरको सेयर कारोबार हुँदा नेप्से १४.८ अंकले घटेको हो ।
मंगलबारको सेयर कारोबारमा १६२ वटा कम्पनीको सेयर मूल्यमा गिरावट आएको छ भने ७१ वटा कम्पनीको सेयर मूल्य वृद्धि भएको छ । त्यस्तै, नाैवटा कम्पनीको सेयर मूल्य भने स्थिर रहेको छ ।
आजको कारोबारमा जलविद्युत् क्षेत्र र अन्य सूचकबाहेक सबै सूचकहरू नकारात्मक रहेसँगै नेप्से २७१५.९१ विन्दुमा आइपुगेको छ । आज नेप्से परिसूचक घटेको दिन जोशी हाइड्रोपावर डेभलपमेन्टका सेयर कारोबारीले आज सबैभन्दा धेरै नाफा आर्जन गरेका छन् ।
तर, आजको कारोबारमा कर्पोरेट डेभलपमेन्टका सेयर कारोबारीले भने सबैभन्दा धेरै गुमाएका छन् ।
