Skip This
प्रधानमन्त्री केपी शर्मा ओलीले सरकार ढल्न लागेको भनेर प्रतिपक्षी दलका नेताहरुले गरेको टिप्पणीप्रति आक्रोश व्यक्त गरेका छन् । प्रतिनिधिसभाको हिउँदे अधिवेशनको पहिलो बैठकलाई सम्बोधन गर्दै उनले यस्तो टिप्पणीलाई गीतसँग तुलना गरे।
उनले भने,‘ढलें–ढलें, ढलें–ढलें म त...’ यो ‘गीत’ अति नै गाइयो । यो ‘गीत’ मनोरञ्जन पार्टी÷उत्सवहरुमा सुहाउला, राजनीतिमा सुहाउँदैन । अझ एकजना माननीयले कतै यस गीतलाई श्लील भएन समेत भन्नु भएको सुनेको छु । यस्तो गायन मनोरञ्जनका मञ्चमा गाउनु राम्रो हुन्छ, राजनीतिका मञ्चमा गाउन बन्द गरौं ।’
