Skip This
अमेरिकामा यात्रुवाहक विमान र सैनिक हेलिकोप्टर ठोक्किएर भयानक दुर्घटना भएको छ। अमेरिकन एयरलाइन्सको विमान वासिंटन डिसीस्थित रिगन विमानस्थलमा अवतरणको क्रममा तालिमका लागि उडाइएको सैनिक हेलिकोप्टरसँग ठोक्किएको हो । दुर्घटनापछि विमान र हेलिकोप्टर पोटोम्याक नदीमा खसेका छन्।
विमानमा ६० यात्रु र चार चालक दलका सदस्य थिए। हेलिकोप्टरमा तीन सैनिक थिए।
ठोक्किएपछि विमान दुई टुक्रा भएर नदीमा खसेको र हेलिकोप्टर पनि उल्टो भएर खसेको स्थानीयले बताए। उद्धारकर्ताहरूले नदीबाट उद्धार गरिरहेका छन्। कतिपयको शव निकालिएको छ । केहीको मृत्यु भएको सिएनएनले जनाएको छ।
