- वि.सं २o८१ पौष १५ सोमबार
नेपाल प्रिमियर लिग (एनपिएल) फस्ट सिजनको विजेता टिम जनकपुर बोल्ट्सका खेलाडीलाई सोमबार सिराहामा भव्य स्वागत तथा अभिनन्दन गरिएको छ। एनपिएल च्याम्पियन ट्रफीसहित सिराहा आएका खेलाडीहरूलाई जिल्ला सदरमुकाम सिराहामा सम्मान तथा अभिनन्दन गरिएको हो।
पूर्व-पश्चिम लोकमार्ग हुँदै सिराहा प्रवेश गरेको टिमलाई जिल्ला प्रवेश विन्दु कर्जन्हा नगरपालिका–३ बन्दीपुरमा नगरपालिकाले स्वागत तथा सम्मान गरेका छ। त्यसपछि सुरक्षाकर्मीको स्कर्टिङमा जिल्ला सदरमुकाम सिराहा पुगेपछि विजय र्याली गरी जिल्ला प्रहरी कार्यालयअगाडि रहेको पार्कमा नगरप्रमुखसहित सर्वसाधारणले स्वागत तथा अभिनन्दन गरेको हो।
६ पुसमा त्रिवि क्रिकेट मैदानमा सुदूरपश्चिम रोयल्सलाई पाँच विकेटले हराउँदै जनकपुर बोल्ट्स एनपिएलको फर्स्ट सिजन विजेता बनेपछि मधेश प्रदेशको राजधानी जनकपुरसहित प्रदेशअन्तर्गतका जिल्लाहरूमा स्थानीयस्तरमा सर्वसाधारण र स्थानीय तहहरूले भव्य स्वागतसहित अभिनन्दन गरिरहेका छन्।
