- वि.सं २o८१ मङ्सिर १८ मंगलबार
चीनको औपचारिक भ्रमणमा रहेका प्रधानमन्त्री केपी ओली र राष्ट्रिय जनकंग्रेस एनपिसीका अध्यक्ष चाओ ल चीबिच भेटवार्ता भएको छ । त्यस अवसरमा उनीहरूबिच नेपाल–चीन सम्बन्धका साथै पारस्परिक चासोका साझा विषय र संसदीय मामिलाका विषयमा छलफल भएको प्रधानमन्त्रीको निजी सचिवालयले जनाएको छ ।
प्रधानमन्त्री ओलीले राष्ट्रपति सी जिनपिङसँग भेटवार्ता गरेका थिए । मंगलबारै प्रधानमन्त्री ओली नेतृत्वको प्रतिनिधिमण्डलले प्रधानमन्त्री लि छ्याङ नेतृत्वको प्रमण्डलसँग द्विपक्षीय भेटवार्ता गरेको थियो ।
प्रधानमन्त्री लीको मैत्रीपूर्ण निमन्त्रणामा चार दिवसीय भ्रमणका क्रममा प्रधानमन्त्री ओली हिजो अपराह्न बेइजिङ पुगेका थिए ।
