बेपत्ता भएको तीन दिनपछि नारायणी नदीमा शव फेला

Read Time : < 1 मिनेट

रामकुमार श्रेष्ठ, नवलपुर

नयाँ पत्रिका

२o८१ कार्तिक २१ बुधबार १७:५४:oo

नवलपुरको गैँडाकोट नगरपालिका– ६, बोटेटोलनजिकै नारायणी नदीकिनारमा एक पुरुषको शव फेला परेको छ।

कात्तिक १८ गते दिउँसो ३ बजेतिर घरबाट निस्केर बेपत्ता भएका चितवनको भरतपुर महानगरपालिका– ७, उज्वल टोलका ५० वर्षीय दधिराम अधिकारीको शव तीन दिनपछि बुधबार नारायणी नदीकिनारमा फेला परेको जिल्ला प्रहरी कार्यालय नवलपुरका प्रहरी नायब उपरीक्षक जेसी शाहले बताए।

शवको प्रारम्भिक अनुसन्धानपश्चात् पोस्टमार्टमको लागि सरकारी अस्पताल भरतपुर चितवन पठाइएको र अन्य अनुसन्धान कार्य भइरहेको प्रहरीले जनाएको छ।