- वि.सं २o८१ असोज २४ बिहीबार
प्रभु महालक्ष्मी लाइफ इन्स्योरेन्स लिमिटेडले सेयरधनीलाई १० प्रतिशत बोनस सेयर दिने भएको छ । कम्पनीको काठमाडौंमा बुधबार सम्पन्न सातौँ वार्षिक साधारणसभाले सेयरधनीहरूलाई आर्थिक वर्ष ०७९/८० का लागि १० प्रतिशत बोनस सेयर र ०.५२६ प्रतिशत नगद लाभांश (बोनस सेयरमा लाग्ने करसमेत) वितरण गर्ने प्रस्ताव पारित गरेको हो ।
बोनस सेयर वितरणपछि चुक्तापुँजी वृद्धि हुनेछ । तर, नेपाल बिमा प्राधिकरणको निर्देशनबमोजिम तोकिएको न्यूनतम चुक्तापुँजीका लागि अपुग हुने र चुक्तापुँजी पुर्याउन सात प्रतिशत हकप्रद सेयर जारी गर्ने प्रस्ताव पनि पारित गरेको छ ।
सभाले आर्थिक वर्ष ०७९/८० को वार्षिक तथा लेखापरीक्षकको प्रतिवेदन स्वीकृत गरेको छ । कम्पनीका अध्यक्ष शिक्षा भट्टचनज्यूको अध्यक्षतामा सम्पन्न सभाले लेखापरीक्षकको प्रतिवेदनसहित आर्थिक वर्ष ०७९/८० को वार्षिक प्रतिवेदन पारित गरेको छ ।
