![](https://nayapatrika.blr1.cdn.digitaloceanspaces.com/news/images/chure2024-07-01-02-44-35.jpeg)
जथाभावी दोहन र अतिक्रमणले चुरे क्षेत्रमा पानीको हाहाकार बढेपछि दुई महिनाअघि वीरगन्जबाट पैदल हिँडेरै चुरेवासी संघीय राजधानी काठमाडौं आए ।
रित्तो बाल्टी बोकेर पानी माग्न नेता खोज्दै राजधानी छिरेर उनीहरू धर्नामा बसेका छन्। रित्तो बाल्टीमा नेताको तस्बिर राखेर दुई महिनादेखि धर्ना बसेका चुरेवासीले न पानी पाए, न नेता ।
धर्नामा बसेका उनीहरूले ‘सरकार पानी देऊ’, ‘वनलाई डढेलोमुक्त बनाऊ’, ‘चुरेलाई अतिक्रमणमुक्त बनाऊ’जस्ता नारा लेखिएका बाल्टीमा प्रधानमन्त्रीसहित शीर्ष नेताहरूको तस्बिर टाँसेर धर्ना दिइरहेका छन्।