- वि.सं २o८१ बैशाख ६ बिहीबार
काभ्रे जिल्लाको नमोबुद्ध नगरपालिका– ४ मा किम्बु खाएर अत्यधिक बान्ता भई एक बालकको मृत्यु भएको छ । नमोबुद्ध– ४ काफ्लेथोक बस्ने गणेशप्रसाद मैनालीका १२ वर्षीय छोरा प्रशान्त मैनालीको मृत्यु भएको हो ।
जिल्ला प्रहरी कार्यालय काभ्रेका अनुसार बुधबार विद्यालयबाट घर फर्कने क्रममा किम्बु खाँदै गएकोमा घर पुगी अत्यधिक बान्ता गरेपछि उपचारका लागि मेथिनकोट अस्पताल भकुण्डेमा लगिएको थियो ।
अस्पतालमा उपचारको क्रममा मृत्यु भएको प्रहरीले जनाएको छ। बालकको शव पोस्टमार्टमका लागि अस्पताल पठाएकोमा पोस्टमार्टमपश्चात् शव परिवारले बुझेको प्रहरीको भनाइ छ।
