दक्षिण कोरियाको बेरोजगारी दर फेब्रुअरीमा १३ प्रतिशत घटेकाे छ। थोक, खुद्रा, निर्माण र शिक्षा सेवा क्षेत्रहरूमा कम मागका कारण दक्षिण कोरियाको बेरोजगारी दर दोहोरो अंकमा झरेको सोमबार सार्वजनिक श्रम मन्त्रालयको तथ्यांकले देखाएको हो।
रोजगार तथा श्रम मन्त्रालयका अनुसार रोजगारी खोज्ने नयाँ आवेदकको संख्या फेब्रुअरीमा ९३ हजार दुई सय पुगेको छ। अघिल्लो वर्षको तुलनामा १३.३ प्रतिशतले घटेको छ। जनवरीमा एक अंकको वृद्धि भए पनि बेरोजगारी दर फेब्रुअरीमा पुनः तल झरेको थियो।
गत महिना थोक, खुद्रा, निर्माण र शिक्षा सेवा उद्योगहरूमा आवेदकहरू घटे तापनि सूचना र सञ्चार क्षेत्रमा बढेको देखिएको छ।
लाभ प्राप्तकर्ताहरूको संख्या एक वर्षअघिको तुलनामा १.१ प्रतिशतले बढी अर्थात् फेब्रुअरीमा ६ लाख २५ हजार पाँच सय थियो। गत वर्षको फेब्रुअरीदेखि लगातार बेरोजगारी दाबीमा वृद्धि हुँदै आएको छ।
फेब्रुअरीमा रोजगार खोज्नेको कुल भुक्तानी ८.५ प्रतिशतले बढेर ९६१.९ अर्ब वोन (७३१.४ मिलियन अमेरिकी डलर) पुगेको छ।